真的仆街了 。 。 。

有啲 down，去睇吓 Fujii-san！

點知，第二首彈出嚟係 'life is beautiful'？！個天唔知係鼓勵昭然定係潤我？！

今日，著對好日唔會著嘅鞋; 放工，行條好日唔會行嘅路返歸 。 。 。

咁咪，仆~街~囉~！

成街人睇昭然仆街？！

好好睇咁？！

冇人幫手？！

住喺呢個半島上嘅人，真係變晒！變到，我完全唔識呢度啲人！到底，呢個半島仲係咪昭然喺度 born and bred 嗰個呢？！

左膝全著地，食晒！

即時皮破、 流血！！

而家左腳梗晒！！！

膝頭發滾兼夾瘀腫！！！！

坐骨神經有啲扯！！！！！

已經好耐好耐喊唔出嘅昭然，因為是次倒霉，都流咗少少眼淚！喊唔出，只係流兩滴眼淚咁唧！

事關，真係，好撚柒痛呀 ) ) )

好彩醫師仔俾昭然聽朝晨早打尖，又跌錢啦！

梁師傅早就話咗我今年會仆街，叫我著對好啲嘅鞋小心行; 冇得小心啦，就嗰半秒突然閃出！

唉，唔撚想講嘢…


昭然