老佛爺又出巡！

今日又半日假，湊老佛爺去醫院抽血 + xray！

xray 哥哥讚九十幾嘅嫲對答得好叻、頭腦清晰、手腳配合…

我話，駁嘴、講個人見解同埋學是非，仲叻！

再推嫲去見醫師仔，醫師仔配合我叫嫲多飲水…

嫲又學是非，話我鬧佢而佢有飲…

醫師仔咔咔聲笑住話 : '咁委屈呀？！'

出親去食嘢，邊食邊四圍八卦，唔叻唔精靈？？

日日熱死，唔飲冰嘢嘅昭然都破戒飲杯凍檸七至返到上樓！

喺太陽下行咗半日冇坐過，對坐慣 office 嘅昭然真唔簡單！

星期一返工，又做死啦啦啦啦！嫲，真好帶遏！


昭然