秒秒忙！

今朝扎醒 0838，劈頭第一句 '嘩，遲到！'！

唏唏，唔駛返工啊，傻婆！ =.=::

咁早較定鬧鐘做乜呢？有人還錢過昭然，要去攞囉！

晨早到郵局未開門！等！

揸大鎖匙嗰個未返！等！
(哈，好似好唔掂咁，晨早仆去等攞錢！)

等呀、 等…

害我遲咗去中環見醫生！

跟手去銀號理財，又等！

仆返豪宅接老佛爺去飲茶，送車尾，等！

邊等車邊打電話訂位，臨時臨急都 book 到 last 一張望海位，真好彩！

兩嫲孫望住海都冇胃口，作死唔定！

埋單四百六食唔晒打包？唔作死呀！

今日，巴士司機讚昭然舉牌舉得好清晰 (輪椅搭車牌)。

我同佢講，曾經有司機企出司機位嚟鬧咗我好耐，話我舉得衰！今日呢個司機話有啲同行係咁衰，唔想做！

嗯，喺腥揀推住架輪椅出街，不知受咗幾多閒氣見盡幾多白眼 & 俾低質素嘅人sssss 鬧幾多！要呻，呻唔完！

喺鬼域，好歹我都叫做有車階級吖，返到嚟為搭車而俾人鬧？折墮透呀！

為嫲，昭然仲忍到！

萬幸，嫲聾咗乜都聽唔到，喺佢眼中而家嘅腥揀，極美好㗎！

為保住嫲呢點點天真，我會盡量配合扮美好，俾嫲含笑歸天嘅！


昭然