裁冗員

昭然公司開始炒人，第一個先炒我至憎，問我攞咖啡嗰個。

佢由今日起調嚟坐喺我隔離，我嗰度好似收集站咁，佢哋唔鍾意唔要嘅就擺喺我度！鬼叫我咁爭氣咩，一人做三人嘢，department head 冇得做㗎啦，其餘三個位咪變垃圾桶囉！

呢個八婆遲昭然一日入職，佢呀，又懶又慢又自私更加唔好講責任心，一早要炒 (如果我話事，根本唔會請佢)！做 data entry 搵嗰九千幾都俾人炒，點生存吖你話！

不過，呢啲人先唔會死，全世界嘅政府部門等緊佢，佢，只適合做政府工！


昭然