團圓？

有年喺鬼域，臨近中秋，唔覺意聽到中文台嘅新聞，廣東台訪問南下嘅打工妹。

北妹開口就喊，因為嗰年佢冇得同屋企人過節！

昭然跟住都喊，因為我離屋企更遠更耐，所有節日唔記得冇過個幾多年，昭然老嫲比佢老媽更老我心更痛！最重要係，昭然已經數唔出幾多年冇食過月餅、糉、角仔、年糕、豉油雞、紅衫魚同青邊鮑嘞！！

所以，嗰年嘅下一年中秋，我求人幫我買盒奇華五仁金腿月寄俾我; 點知，坐過飛機嘅月餅可能嚇過下，唔好食嘅！

回流返嚟三年，一直都係奇華擁躉，不過佢愈做愈衰？！？！

大同餅家，幾個月前只幫襯過一次買禡仔同香蕉糕，但昭然已經選定佢同佢買月餅嘞！

唔，冇令我失望，好好好好好好好好食！

如果，昭然喺食呢方面嘅慧根放喺揀男人上，咁就冇死嘞！

哈哈哈哈哈哈哈哈…

返嚟陪老嫲，除咗打亂昭然喺鬼域嘅計劃，仲犧牲埋車車！

四個月餅承惠 279？！

嗰刻，昭然個心揪住痛，痛住俾錢！

車車嘅 number plate 就係 279！

X279XXX，車車，永遠喺昭然心！


昭然