再戰 • 日常

對面枱，兩嫲孫坐過兩、 三次！

左手枱，晚飯時坐過，記得嗰晚亞嫲食咗好多魚呢！

右手枱，都打過躉！

呢間酒樓，每個角落都充滿回憶呢！

嫲，原本安排今日上山睇妳，點知我懵，臨時有改動嚟唔到！要下星期，至可以山上見面啦！

請恕我，不孝！

* * *

知客姐姐驚我怕嘈，有俾我揀另一張路邊幽靜枱，而我，偏偏揀呢張最旺嘅！

為嘅，就係考驗自己，愈獻世、 愈痛、 愈肯面對，痊癒愈快！

* * *

開茶姐姐話我以後得返一個人，知客姐姐話佢咁講嘢！
(佢講事實啫，相反，我鍾意呢啲人，夠真！)

開茶姐姐話，咁多客，佢一定記得我！

因為我真係對嫲好好，唔似其他人三分鐘熱度做唔足、 做表面嘢; 話我又捨得俾嫲食，龍蝦呀、 魚呀，唔靚唔嗌，邊有人咁捨得！

話嫲臨尾幾年有我咁待佢，話嫲好好福氣！ (真嘅？)

* * *

嫲，感激妳俾機會我侍奉妳，可以嘅，我願意重頭再嚟！

不過，係喺個天度，凡間，我都唔願多留半秒！

所以，妳咪返嚟留喺我身邊呀，我烹妳扯㗎！！

* * *

是日考驗，失敗！！！！

我，有鼻酸 + 流淚呢！！

嫲，想妳！依然，愛妳！

昭然