夠未呢？？？

臨搬離爛鬼 office，總算見識過男廁爆屎渠！喺天花爆湧落地，惡臭中欣賞如此壯觀，永世不忘！

個 admin 仲成碌葛咁？！

叫佢即刻嗌看更上嚟開門開窗散臭，我坐門口吸晒，反胃想嘔呀，大佬！

收工，好唔容易有位坐低背書，擺好陣，隔離鄉音亞婆側身有所動作！咁嘅陣勢。 。 。 妳唔係真係喺我隔離，放屁呀哇？！

屌佢，真係放屁？！？！

仲放到呠呠聲添？！？！

我醒呀，佢一側身，我已經收起本書擰歪面 and covered my nose and mouth！車廂冇位攝，冇得起身避開佢老母臭！

左放屁就止呀，右兩女人丫大西口 yawn！ 唔係唔俾妳哋 yawn，煩請 covered your mouth 至 yawn 吖！

而家啲人真係好冇家教，咳呀、 打乞嚏呀、 yawn 呀，永冇 cover their mouth 嘅？

呢個禮拜，我以為自己轉咗工去咗幼稚園做！

台、 韓、 越 agents 冇嚟醒目，吓吓問？！大佬，我俾錢你同我解決問題，唔係我幫返你呀！

噚日，有個行家打嚟 blah blah blah，唔識睇 e-mail 又冇禮貌囉囉聲！講咁耐，想唔俾錢啫吓哇！

Cyprus 客嗰啲啲生意，煩足成個禮拜！睇 e-mail 啦，仆街！！

今日臨收工，英國佬喵到電話到！我 hea 吓就算，冇氣啦！


昭然