夠未呢？？？

臨搬離爛鬼 office，總算見識過男廁爆屎渠！喺天花爆湧落地，惡臭中欣賞如此壯觀，永世不忘！

個 admin 仲成碌葛咁？！

叫佢即刻嗌看更上嚟開門開窗散臭，我坐門口吸晒，反胃想嘔呀，大佬！

收工，好唔容易有位坐低背書，擺好陣，隔離鄉音亞婆側身有所動作！咁嘅陣勢。 。 。 妳唔係真係喺我隔離，放屁呀哇？！

屌佢，真係放屁？！？！

仲放到呠呠聲添？！？！

我醒呀，佢一側身，我已經收起本書擰歪面 and covered my nose and mouth！車廂冇位攝，冇得起身避開佢老母臭！

左放屁就止呀，右兩女人丫大西口 yawn！ 唔係唔俾妳哋 yawn，煩請 covered your mouth 至 yawn 吖！

而家啲人真係好冇家教，咳呀、 打乞嚏呀、 yawn 呀，永冇 cover their mouth 嘅？

呢個禮拜，我以為自己轉咗工去咗幼稚園做！

台、 韓、 越 agents 冇嚟醒目，吓吓問？！大佬，我俾錢你同我解決問題，唔係我幫返你呀！

噚日，有個行家打嚟 blah blah blah，唔識睇 e-mail 又冇禮貌囉囉聲！講咁耐，想唔俾錢啫吓哇！

Cyprus 客嗰啲啲生意，煩足成個禮拜！睇 e-mail 啦，仆街！！

今日臨收工，英國佬喵到電話到！我 hea 吓就算，冇氣啦！


昭然

忙！

病死、 撲死、 忙死、 做死、 攰死！！！！！

唔係講假，公私均忙，真的忙！！

冇時間、 欠體力，做乜都唔成。 。 。

生活上嘅折騰已夠多，再加上 フミヤさん，真係死都冇時間！

如果，所有日本人都同我講英文咪好囉！  \(╯-╰)/

唏，我懶理其他人唧！

只要 藤井フミヤ 一個同我溝通到就夠嘞，哪管，我哋講梵文唧！

大獲啦，功課未做、 書未背好！

4 • 22 又考試啦！   : (>﹏<) :


昭然

天崩、地裂、海連天！！！

三個鐘頭前，日本咁樣。 。 。

雖然地面震度濕濕碎只有四級，但震幅廣影響到東京！

震感時有，只驚海嘯！

フミヤさん，昭然一日未企喺你面前，即使天崩、地裂、海連天，你都唔准死呀 ) ) ) ) ) )

好，癲完，擺返個打工樣出嚟先  ╯﹏╰


昭然

花紅

是日派糧單，順道公佈年尾花紅 (冇雙糧); based on 底薪 0 - 1.5%，睇奴隸們表現而發放。

老細係亞洲一，要求，極高！

過去十二個月嘅努力，昭然喺老細眼中值 1.5%！

(全公司，我係第一個被 cut OT，嗰 1.5% 算係乜吖！我 OT，逐分鐘計㗎！！)

前年至舊年年頭剛入職八個月，我人工加咗 18%，title 前亦加多個字 - Senior。

雖然唔睇好今年人工加到去年嗰 18%，但依然期待下月 review，唔知個 title 變乜呢？！ 畢竟，能喺亞洲一賺到靚嘅 title，出到去條路會好行好多。 (要諗定有乜 point，同老闆娘拗高啲人工先！)

能喺要求高、 叻人、 非一般客人，手上賺碗飯餵老嫲，唔容易兼極具挑戰性！

做人、 做事，昭然，鬥心極強！！

唔係同別人鬥，昭然係同自己鬥！
(人類喺我眼中，真係好低㗎咋！)

昭然

戲s

2015 年，除咗睇過呢幾部戲，記得仲同嫲睇過 Shaun the Sheep 同 Jurassic World。

兩嫲孫好鍾意睇戲點會睇咁少，唔記得咁多嚕！

Shaun the Sheep 同 Jurassic World，好好睇！！

三套日本片，亦好好好睇！！！

最為推介 '百円の恋' 嘅女主角 '安藤さくら'，堅正！喺四百個演員面揀安藤さん 出嚟，當然堅料啦！

所以，佢一上已極想睇，奈何。 。 。 幾番波折！前日終於抽到時間，又要夾啱戲院啲刁鑽 schedule！最終睇到呢套戲，開心！

安藤さん，出身極好、 行嘅路少曲折 (應該係冇); 少經歷，都演得呢個角色咁出色？！如果前日佢喺我面前，我會企起身拍爛手掌兼歡呼！

時間遷就到嘅，我會再睇多幾次！成套戲，真係好正，值得翻睇！癲？未算啦！les miserables，我喺英國睇咗十六、 七次，opera 嗰種！我次次都喊得出㗎！

睇見安藤さん對拳擊忽然認真，就好似我對 にほんご (日本語) 忽然熱衷一樣！(自己一個練聽寫講直到夜媽媽，第二朝又要家務、 返工，好難形容嗰種辛酸！哈，我返工一得閒都背書、 睇 ノート (note) 㗎，我老細就嚟 gut 我㗎喇！)

仲有，佢同男主角第一次約會，男主角車佢去 どうぶつえん (動物園) 睇 ぞう (大笨象)。 不得了，係我夢寐嘅畫面！

第二次，男主角去佢做嘢舖頭買嘢，話冇錢俾，俾住兩張拳賽飛佢當抵押！嘩、 嘩、 嘩！！！可惜，亦係嗰晚，佢俾另一個賤人強姦咗 (仲要係佢嘅初夜)！

套戲，掂！安藤桜さん，型！

(三套日本片，亦唯一一套我一句都聽唔切！唉，咁係咪要睇多幾次吖！)


昭然

明けましておめでとうございます！

昭然  \^o^/