中秋晚行行吓，偶然遇見到呢個招牌！
好耐好耐以前，當年我喺尖東返工; 我見放工放得早，咪搵兼職做囉，見報紙請傳酒員咪去見識吓囉！
咁啱我朋友亞哥就喺裏面做經理，一坐低，佢亞哥就不停說昭然 '坐'？！
噢，我想 '跪'，你偏要我 '坐'？！
原來，氹人 '坐'、 '瞓' 嘅說話都係嗰幾句！當日我聽到嘅，有呢啲 。 。 。
'跪'，好辛苦㗎！成晚跑嚟跑去，酒水又重！
'坐'，又有人幫妳化妝扮靚，舒服又搵得多！
最後，佢對眼由我心口掃上我塊面，評估我應該搵最多嗰個！(當時我著貼身黑色樽領衫加燈光昏暗，咁都睇到？！)
同時間，佢班女變晒身妖住出場！
噢，親眼見識過，登時心領神會！
係，我絕對會係最快搵最多嗰個！
呢個場，幾廿年仲著緊燈？堅勁！
昭然
昭然, 你係咪唔鍾意人地留言比你架?
回覆刪除唔係呀，係人哋唔鍾意留言俾我之嘛！見妳留低幾隻字，我先知有人嚟探我咋！^皿^::
刪除o係尼度答你好d 啫!
回覆刪除有次諗著下面d牙都整埋牙套, 但牙醫話d牙已經好短,再磨細怕套左隻牙會痛, 咁又要脫左佢喎! 我估得番貼全瓷牙貼, 不過好拿貴, 未捨得整住o
咨詢多幾個牙醫問吓點解救，呢啲錢要駛; 外觀固然重要，影響到食欲以致健康，事大！
刪除