飛虎熱

近日，彷彿，見到昭然老豆 。 。 。

當年，無論幾點乜天氣，昭然老豆睇完 call 機就要即刻換衫，孤伶伶攞住袋嘢出門！

後嚟有日，昭然同老豆一齊睇周潤發啲重播戲，昭然問飛虎隊真係咁㗎？

老豆話啲戲假㗎！

老豆同昭然講，嗰兩年，佢係飛虎隊成員！

據老豆講嘅，昭然都幻想到飛虎隊一落場就 in charge 晒，做嘢時有幾型！

老豆話，飛虎隊一落場就要用最短時間做完嘢; 總之，就隱秘到場、 極速完事、 再鬼祟離場！

老豆仲話，戴咗頭套一落車就唔講嘢㗎嗱，怕俾人認出囉！

飛虎隊要求極高，搵親嘅隊員唔 fit 唔 smart 都唔搵！

後嚟，昭然老豆轉咗做國際刑警 。 。 。

昭然老豆，初出學堂做咗幾年卧底，繼而藍帽子，後嚟又飛虎又國際刑警，仲要捉 I.I.、管難民營，過世前仲做埋教官…

問佢最鍾意做乜？

佢話，水警！

型、 英、 勇，俗人睇到嘅永遠都係表面嘢？！

老豆時時教昭然，真正叻嘅人，做咗都唔俾人知！

昭然向，為從前嘅真香港，賣過命嘅老差骨 - SALUTE！


昭然