一人前

唔駛 ot 真好，可以行街、一人前！

收工，攞四對新鞋再去 SOGO 買嘢食; 點知，昭然，人就大大份嘞，但敵唔過左一個五呎唔夠嘅亞豬媽，右一個爛靚綠爪 OL，兩條友夾住昭然搶 sushi？！

食嘢啫，妳兩個唔駛咁癲咁冇禮儀嘅！


唉，衆 生 相、皆 為 醜！

華 衣 難 掩 癲 狂 態！！


昭然性格唔鍾意搶、 爭、 鬥、 霸、 呃、 貪; 自細，嫲已經話我執書好鬼笨，仲蠢加鈍添 (噢，昭然真係咁差咩？！)！

蠢就蠢啦，蠢到昭然咁醒，識賺咁多錢同妳去福記大富貴、 豪裝間屋，咁又唔怕生多幾件死蠢呀！

搶唔贏，就行去食好啲，話晒戒口戒咗年幾兩年，第一餐食魚生就食好啲啲！

聽晚收工，又要返嫲度做妹仔啦！唉，靚女嚟㗎嘛… 真嘥料！

唔想再一人前嗱！到底，你喺邊呀？！喂喂。 。 。


昭然