Zombie 。。。

昭然攰到有啲啲虛脫嗱。 。 。！

返五晚通宵，被逼食咗餐春茗、 腦空空仆到去見咗兩份工！！

sent 三封喵有兩份肯見昭然，我覺得成績唔錯、 唔錯！

今日 (十七號) 呢份俾咗 offer 昭然，考慮ing 呢！因為見我嗰個女 Director 個相頭… 幾惡啃吓！

其實，昭然最想做上星期見嗰份囉！

唔諗啦，攰到冇力諗嘢呀，個人散嘅點諗？！聽朝收工直接去問觀音菩薩啦，哈！

今晚返工遲咗成個鐘 (臨走都整花個 record，真唔抵！)！昭然瞓到鬧鐘響都唔知，同事打嚟搵我至醒！噚日朝早收工搭巴士，又瞓過龍。 。 。

從來，昭然係個自覺嘅人，坐車唔瞓更唔需要依賴鬧鐘！返香港，見識過兩份俾人做嘅工，令昭然嘗試咗好多以前未試過嘅體驗！！！

之但係，昭然真係好攰囉 ) ) )

一個肥中女腰椎痛死體能壞，仲要搵錢、做家務、顧老嫲兼四圍撲？！俾昭然定吓心神執吓屋，回返個魂魄企起身做吓人，得嘛？

但，依然，感謝菩薩安排，喺昭然返夜期間俾我抽到時間見工，係唔夠休息似隻 zombie 啫！ \(╯-╰)/


昭然