又嚟？！

二月十八臨天光，昭然夢見…

自己喺條夜黑冇光嘅路行緊，被一戶人家嘅關帝爺爺吸引住！關帝爺爺大概七尺高，造型就係劉、 關、 張嗰種牌！

突然，我醒咗，聽到瞓喺床嘅嫲喃喃自語 : "咁衰，我又冇犯你，間唔中又嚟嚇我、 '嗡' '嗡'我…！"

昭然呢啲另類人即刻起身打開大門，掘住某個位講粗口鬧爆隻嘢，跟住對住同一位置唸咒、 唸經！

我諗，當時我個造型都極嚇鬼吓！起身時，髮尾、 髮頂都翹起嘅，仲要追住衝出大門碌大眼掘住佢大爆粗口 : "我 x 你老母呀！夠膽嚟蝦我亞嫲？我最錫就係我嫲，你唔撚知呀？仆你個臭街……" 跟住，依然碌大雙眼，唸咒、 唸經！

前年係咁、 大前晚係咁？！我唔出聲，當我哋嫲孫好好蝦？！鬧過嘞，呢三晚，冇再嚟！

感謝，七尺高嘅關帝爺爺賜昭然力量！

對住走廊講粗口時，我將聲音壓到最低唔嘈鄰居 (只喺喉嚨發聲)，但我感到字字嘅爆炸力唔嘢少; 開門嗰度力，亦唔係我平時會用嘅力，力加風幾咁有氣勢呀！

所以，點到佢唔驚？我亦感覺到佢驚囉！

蝦我冇咁嬲，搞我嫲，昭然唔同你班仆街死過，我唔撚叫昭然 (超自然) 呀！

都話唔好惹我㗎啦，昭然唔係普通人嚟㗎！ ╰_╯


昭然